Jorginho ka thënë se do t’i mungojë Napoli para fluturimit të tij për në Londër, për ta kompletuar transferimin e tij te Chelsea.
Mesfushori italian me origjinë braziliane ishte afër kalimit të tij në Manchester City, por ka ndryshuar destinacionin e tij për në Stamford Bridge, për shkak të Sarrit i cili do ta zë vendin e Antonio Contes te klubi londinez, transmeton Gazeta Express.
“Do të më mungojë Napoli shumë pas 5 vite që kam kaluar, do të jem gjithmonë i lidhur me qytetin e Napolit”, tha mesfushori për CalcioNapoli24.
Jorginho më pas është pyetur se kush do ta zë vendin e tij në Napoli.
“Pyetje e mirë! Nuk e kam idenë”.
