Ëndrra e Ivan Perisic për të luajtur në finalen e Kupës së Botës mund të ketë përfunduar pasi ka pësuar një tërheqje muskulore. Perisic ka marrë trajtimin e mjekëve në spitalin e Moskës ditën e enjte.
29-vjeçari, i cili është në radarin e një sërë klubesh të mëdha duke përfshirë edhe Manchester United, shënoi golin e barazimit në fitoren 2-1 ndaj Anglisë.
Një pako me akull ishte vendosur në kofshën e tij për të zvogëluar fryrjen.
Kjo ishte ndeshja e tretë radhazi që Kroacia luante 120 minuta dhe disa lojtarëve u është dhënë një ditë e plotë pushim. Franca do të jetë kundërshtari i Kroacisë ditën e diel.