Pas një Botërori tjetër zhgënjyes në Rusi, Argjentina shkarkoi nga puna trajnerin Jorge Sampaoli, duke e cilësuar si fajtor për rezultatet zhgënjyes.
Sipas “Tuttosport”, Federata nuk ka ngurruar për të gjetur një trajner të ri dhe së shpejti pritet që të bëhet zyrtarizimi. Trajneri i ri që do të udhëheqë Argjentinën në ndeshjet e radhës, do të jetë Joze Nestor Pekerman i cili aktualisht është trajner i Kolumbisë.
Për Pekermanin, emërimi në krye të stolit argjentinas, do të ishte një rikthim, duke qenë se ka drejtuar skuadrën bardhekaltër në vitet 2004-2006.
Ai ka arritur të fitojë në konkurrencë ndaj Almeidës dhe Garesës të cilët gjithashtu shiheshin si pretendentë për stolin. Nga ana tjetër, drejtimin e Kolumbisë, pritet ta marrë Osario.
