Leonardo Bonucci do të përshëndesë sot në mbrëmje shokët e tij te Milan dhe nesër do të jetë në Torino, për të kompletuar rikthimin e tij te “Zonja e Vjetër”, pas vetëm një sezoni me kuqezinjtë.
Qendërmbrojtësi, që do të shkëmbehet me Caldara, do të niset sonte nga Mineapolis dhe do të fluturojë drejt Amsterdamit, atje ku në mëngjesin e nesërm do të udhëtojë drejt Torinos.
Menjëherë sapo të kalojë vizitat mjekësore do të ndodhë prezantimi.
Në kahun e kundërt do të lëvizin Higuain dhe Caldara, që gjithashtu pritet që nesër të prezantohen si futbollistët e rinj të Milan.