Luka Modric tek Interi nuk është thjesht një hipotezë e merkatos, por një mundësi reale që po u shfaqet zikaltërve në këto momente. Sipas mediave italiane, lojtari ka udhëzuar përfaqësuesit e tij që të nisin bisedimet konkrete dhe kjo është arsyeja pse një nga menaxherët e tij sot është parë në Milano.
Vlado Lemic, një nga përfaqësuesit e lojtarit, është ai që po bën ndërkohë negociata me Real Madridit që ta mundësojë transferimin e futbollistit në Milano.Modric kërkon të largohet nga Reali, por klubi spanjoll për momentin ka vendosur veton, duke bërë të qartë se nëse 33-vjeçari kërkon të largohet, dikush duhet të paguajë klauzolën e tij që është 500 milionë euro.
Lemic insiston që të bëhet i mundur transferimi i tij në formën e huazimit, e vetmja mënyrë në të cilën mund të veprojë Interi, me pagesën vitin e ardhshëm të një shifre shumë më të vogël nga zikaltrit sesa është pretendimi i madrilenëve.
Për të kënaqur Perezin, ai është gati të bindë Milinkovic-Savic të bëhet pjesë e madrilenëve, pasi vetëm afrimi i një mesfushori të këtij kalibri mund të bëjë të mundur që klubi të lërë të largohet kroatin.
