Një tjetër shitje po përgatitet te Skënderbeu. Mesfushori Bakary Nimaga kërkohet nga kampionët e Moldavisë Sheriff Tiraspol. Pavarësisht dëshirës së teknikut Shehi për të mos e dorëzuar futbollistin me eksperiencë nga Mali, drejtuesit duan ta japin me një shifër të lartë 23-vjeçarin.
Por korçarët pretendojnë të përfitojnë nga ky operacion dhe kanë përcaktuar kufirin e 30% të transferimit të Nimagës te Sheriffi për të patur garanci në të ardhmen për lëvizjet e lojtarit.
Nimaga luan prej 6 sezonesh më Skënderbeun në linjën e mesfushës. Ai është kthyer në njërin prej futbollistëve më të mirë të kampionatit shqiptar dhe ka fituar 5 tituj kampion.
