Erdhën bashkë në Milanello, rreth orës 17:30, përpara se të vinin futbollistët e tjerë, si një zakon i vjetër. U takuan me lojtarët pasi më parë kishin bërë punën e tyre duke rregulluar afrimin e Bakayoko nga Chelsea.
Drejtuesit e ri të Milan, Paolo Maldini dhe Leonardo, janë paraqitur për Milanello, për stërvitjen e parë të ekipit pas kthimit nga SHBA, ku ishte i pranishëm edhe blerja e re Gonzalo Higuain. Ka pasur disa lojtarë që kanë qenë edhe të emocionuar kur takuan Maldini e Leonardo, që e ndoqën stërvitjen nga jashtë fushe.
Shumë buzëqeshje dhe harmoni, por edhe punë, sepse Gattuso nuk toleron në këtë aspekt. Trajneri ka folur me lojtarët, më pas e kanë marrë fjalën Maldini dhe Leonardo. Ka nisur puna për rikthimin e Milan të madh…
