Goran Pandev tashmë është italian… i adoptuar.
Sulmuesi i Maqedonisë së Veriut, flamur i Genoa-s, në Itali që në moshë të re, ka luajtur vetëm në Serinë A, duke përjashtuar një eksperiencë të shkurtër te Galatasaray.
Si do ta merrte një shitje të tijën nga ana e klubit, ndoshta për të përfunduar në një kampionat jo të nivelit të lartë dhe jo shumë afër si ai indian?
Kjo është shakaja që kanë organizuar për të Le Iene, emisioni i famshëm i mediaset, që në një nga shakatë e tyre të zakonshme kanë vënë në shënjestër sulmuesin me bashkëpunimin e menaxherit të tij dhe të disa shokëve të skuadrës: Biraschi, Criscito, Perin dhe Sturaro, që i kanë ngritur një kurth të bukur 7-vjeçarit.
Gjatë një darke të qetë me skuadrën, në kulmin e merkatos së futbollit, i zoti i shtëpisë Criscito ka thënë se ka marrë një propozim nga India dhe Pandev i ka shpjeguar se nga ato anë nuk rrihet edhe aq keq.
Më pas, rastësisht, ka rënë zilja e telefonit të sulmuesit. Nga ana tjetër është menaxheri i tij Leonardo Corsi, që ka folur për dëshirën e presidentit Preziosi për të rinuar skuadrën. Dhe për rrjedhojë ka vendosur ta shesë te skuadra e vetme që ka bërë një ofertë për të: një skuadër indiane.
Maqedonasi, pavarësisht se s’kishte pak që ia kishte këshilluar Criscito-s eksperiencën, nuk ka qenë shumë entuziast: “A mund të shkoj në Indi unë në moshën 38 vjeç?”, ka pyetur menaxherin.
Klubi, natyrisht, është ai që është interesuar edhe për mbrojtësin dhe ka një histori shumë italiane: Chennaiyin, skuadra e drejtuar pak vite më parë nga Materazzi dhe ku ka luajtur edhe Nesta.
Shokët e skuadrës kërkojnë ta bindin Pandev-in, duke i shpjeguar se Chennaiyin ka shumë lojtar ballkanas, por ideja nuk e bind lojtarin, edhe për shkak të një reagimi të parashikuar të familjes:
“Nëse u them se duhet të shkoj, më vrasin”, ka thënë sulmuesi.
Telefonata tjetër e menaxherit është tragjikomike. Kontrata e ofruar nuk është nga ato të pasurat, përkundrazi: 72 mijë euro në vit plus bonuse prej 10 mijë eurosh, jo saktësisht një ofertë nga ato që të ndryshojnë jetën. Ai që e pëson më keq është menaxheri, i cili ka marrë edhe disa fjalë të pista: “Pak më respekt, nuk jam i ardhuri i fundit”.
Situata është komplikuar edhe më shumë nga protestat e tifozëve, që nuk duan që të largohet dhe kanë shkuar poshtë shtëpisë së Criscito-s me një parullë që e cilësonte Pandev si tradhtar, duke e detyruar të zbresë poshtë për të folur.
Fatmirësisht, më pas vijnë Le Iene, që kanë shpjeguar se bëhej fjalë për një shaka.
