Arsene Wenger është shkarkuar nga Arsenal sezonin e kaluar dhe askush nga lojtarët nuk e priste, sipas ish-Topçiut Jack Wilshere.
Wenger është larguar nga stoli i Arsenal pas 20 viteve, me 68-vjeçarin që ka theksuar se kishte ardhur koha të tërhiqej. Por anglezi Wilshere pretendon se ka qenë klubi ai që ka larguar trajnerin dhe se nuk ishte vendimi i Wenger.
“Isha në vitin e fundit të kontratës dhe fola me trajnerin e asaj kohe, Arsene Wenger, i cili më tha se nuk do të ofronte një kontratë të re dhe se mund të largohesha,” shprehet Wilshere për BBC Sport.
“Por gjatë asaj kohe unë kam qenë i dëmtuar, dhe ishte e vështirë, pasi nuk isha mirë fizikisht dhe nuk po luaja. Kështu që vendosa të qëndroj dhe mu ofrua një kontratë e re në janar, por më pas Wenger u shkarkua.
“Ishte e çuditshme. Askush nuk e priste. Ishte një moment që ndryshoi gjithçka për mua.”
