Wesley Sneijder, i intervistuar nga “Bein Sports”, vë bast kundër Juventus. Sipas holandezit, edhe pse mori Cristiano Ronaldo, “Zonja e Vjetër” nuk do të fitojë trofeun e Champions League.
“Nuk besoj se Juventus do të fitojë Champions. Nuk mund të fitojë një futbollist i vetëm një veprimtari të tillë, – tha holandezi që e ka fituar këtë trofe kur luante me Inter. – Juventus është paraqitur mirë në Champions vitet e fundit, por ndjesia ime është se pavarësisht nga ardhja e Ronaldo nuk do të fitojë Champions sepse ka ekipe më të forta se ata në Europë. Ndoshta mund të fitojnë një tjetër titull në Serie A. Faktikisht, do të habitesha shumë nëse Juventus nuk fiton kampionatin, por në Champions mendoj se nuk ka shanse.”
