Dita e fundit e transferimit të verës së Juventusit u trondit nga lajmi i lamtumirës së Claudio Marchisio, i cili ndërpreu reciprokisht kontratën e tij me bardhezinjtë. Ai përfundoi një histori 25-vjeçare, e cila tani do të vazhdojë diku tjetër për “Princin”. Po, por ku?
Marchisio ndoshta do të marrë disa ditë për të pushuar dhe për të vendosur me qetësi, kështu që ende është shumë herët për të thënë. Por, ish-mesfushori i Juventusit, siç raportohet nga “Gazzetta dello Sport”, është tunduar nga PSG në këto orë.
Nuk ka ende një negociatë zyrtare, por ka interes, pasi ekipi i Tuchel është duke “gjuajtur” për një njeri të përvojës në mesfushë. Marchisio do të gjente në kryeqytetin francez edhe mikun e shokun e tij për shumë vite, Gigi Buffon.
Së bashku ata mund të përpiqen të ngjiten në Ligën e Kampionëve, duke i dhënë betejë Juventusit. Qëllimi i Marchisio ende duket të konkurrojë në nivele të larta. Përndryshe, nëse kjo nuk ndodh, plani B është gati: Kina. Njerëzit përreth tij tashmë po “kultivojnë” tokën aziatike…
