Chelsea është e hapur për oferta në drejtim të mesfushorit anglez, Danny Drinkwater, i cili nuk ka bindur trajnerin Maurizio Sarri. Anglezi u transferua sezonin e kaluar nga trajneri Antonio Conte si zëvendësim për Nemanja Matic, i cili kaloi te Manchester United.
Megjithatë, Drinkwater dështoi të tregoj vlerat e tij, të cilat i tregoi në vazhdimësi te Leicester City. Sipas mediumit Daily Mail, mesfushori anglez ka dështuar të bind edhe trajnerin e ri të Chelseat, Maurizio Sarri.
Sarri, 59 vjeç, është i hapur ndaj ofertave për ish-yllin e Leicesterit, i cili filloi vetëm pesë ndeshje me fituesit e Kupës FA sezonin e kaluar.
28-vjeçari nuk ka arritur të shfaqet as në dy ndeshjet e para të Ligës Premier për Blutë, ku kanë shënuar fitore ndaj Huddersfield dhe Arsenal. Drinkwater u kufizua në vetëm 30 minuta në humbjen e FA Community Shield kundër Manchester City.
Gjatë javës së fundit të afatit kalimtar veror, Chelsea provoi ta fus anglezin në marrëveshje për transferimin e Wilfried Zaha nga Crystal Palace.