Nga Portugalia vjen një prapaskenë interesante për Milan dhe…Inter! Sipas së përditshmes Record, mesfushori brazilian Ramires ka qenë një objektiv i minutave të fundit i Kuqezinjve, por Jiangsu Suning i ka thënë jo.
Arsyeja është sepse nuk donte të përforconte rivalin e madh të Zikaltërve.
Jiangsu Suning dhe Inter aktualisht kanë të njëjtin pronar dhe thuhet se klubi kinez nuk ka dashur t’i prishte punë Inter-it në fillim të sezonit të ri.
Tani thuhet se braziliani do të rikthehet në Europë, por te Benfica. Marrëveshja pritet të finalizohet brenda këtyre ditëve.