Duket se një nga personat që ka ndikuar te Eden Hazard që ai të qëndrojë te Chelsea është babai i tij. Ky i fundit, në një deklaratë për mediat ka konfirmuar se sulmuesi belg mund të qëndrojë përgjithnjë te Chelsea, duke i mbyllur kështu derën transferimit të tij te Real Madrid sezonin tjetër. “Unë nuk e di se përse Eden nuk shkoi te Real Madrid. Ndoshta kështu ka qenë politika e Real, që t’i japë më shumë shanse të rinjve. Eden ka ende edhe dy vite kontratë, ndërsa verën e ardhshme do të ketë edhe një vit kontratë me Chelsea. Por një gjë është e sigurt, ai nuk do të shkojë kurrë te Real Madrid”, u shpreh Thierry Hazard.
“Ndoshta askush nuk donte që ky transferim të ndodhte dhe të gjitha ishin thashetheme. Real synon të marrë lojtarë të rinj dhe Eden e humbi këtë mundësi për të shkuar në Madrid. Ndoshta me Zidane në stol do të kishte qenë ndryshe, por edhe ai ka patur arsyet e tij përderisa u largua”, u shpreh më tej babai i Eden Hazard, duke konfirmuar se djali i tij do të vazhdojë të luajë në Premier League me skuadrën e Chelsea. Kontrata e sulmuesit belg me “blutë” e Londrës skadon pas dy vitesh, por Abramovic ka gati një ofertë të çmendur për Hazard, që do ta bëjë lojtarin më të paguar të Chelsea.
