Leroy Sane ka besim se Manchester City mund të fitojë Champions League. Në sezonin e kaluar skuadra e Pep Guardiola fitoi Premier League me numër rekord pikësh, por në Kupat e Europës u eliminuan nga Liverpool në çerekfinale.
“Unë mendoj se, hap pas hapi, jemi më pranë objektivit kryesor të klubit, fitoren e Champions League. Jam i bindur se në këtë sezon do të bëjmë më mirë se në edicionin e kaluar dhe mund të arrijmë deri në finale,” – tha 22-vjeçari gjerman.
Në edicionin e kaluar, Sane fitoi titullin kampion dhe Kupën e Ligës me Manchester City, teksa u shpall gjithashtu edhe futbollisti i ri më i mirë në Premier League, por kjo nuk i mjaftoi për të fituar një vend te Gjermania që luajti në Kupën e Botës në Rusi.
Sivjet, te ekipi i Guardiola ai po përballet edhe me konkurrencën e Mahrez, të ardhur nga Leicester.
“Më pëlqen konkurrenca, aq më tepër kur kam si konkurrent një futbollist dhe një djalë të shkëlqyer si Marhez. Eshtë një futbollist klasi dhe të gjithë e kemi parë kur luante me Leicester. Mendoj se me të do të jemi edhe më të fortë,” – deklaroi Sane.
