Atletico Madrid ka fituar 1-0 në fushën e Eibar dhe ka ngushtuar në gjashtë pikë diferencën me Barcelona, që kryeson kampionatin spanjoll me 48 pikë.
Kjo ka qenë fitorja e dytë radhazi e skuadrës së Diego Simeone-s në La Liga dhe i ka ngjitur ata në kuotën e 42 pikëve, 10 më shumë se kushërinjtë e tyre të Real Madrid, të cilët janë mundur 1-0 ën shtëpi nga Villarreal.
Goli që ka vendosur takimin është shënuar në minutën e 27-të të pjesës së parë nga Gameiro, i cili ka realizuar një nga golat më të lehtë të karrierës së tij, duke dërguar topin në portën e boshatisur pas asistim të marrë nga Griezmann.
