Real Madridi do të ballafaqohet me Guadalajaran ose me fituesin e Ligës së Kampionëve të Amerikës, turne ky i cili ende nuk ka përfunduar, në ndeshjen e gjysmëfinales së Kupës së Botës për Klube të këtij viti.
“Los Blancos” po tentojnë të tregohen të suksesshëm në këtë turne për të tretin sezon radhazi. Për të bërë një gjë të tillë, ata do të shkojnë në Emiratet e Bashkuara në dhjetor për të luajtur ndeshjet e këtij turneu, ku marrin pjesë kampionë të të gjitha kontinenteve.
Real Madridi është kualifikuar për këtë garë pasi triumfoi në Ligën e Kampionëve të UEFA-s, në finalen kundër Liverpoolit, të cilën klubi madrilen e fitoi me rezultat 3-1. Këtë garë, “Los Blancos” e kanë fituar për të tretën herë radhazi.
Pasi që Real Madridi pësuan disfatë në Superkupën e Evropës kundër rivalëve të qytetit, Atletico Madrid, me rezultat 4-2. Për këtë arsye, trajneri i ri i Real Madridit, Julen Lopetegui, do të tentojë ta fitojë trofeun e tij të parë me madrilenët në këtë garë.
