Kombëtarja U-21, e drejtuar nga Alban Bushi, do të përballet sonte në orën 20:00 me Spanjën për kualifikueset e Kampionatit Europian. Ndeshja do të luhet në Cordoba, ndërsa skuadra e drejtuar nga Bushi do të tentojë të bëj një paraqitje të mirë, pasi shpresat për kualifikim janë të pakta. Në listën e lojtarëve të grumbulluar nga Alban Bushi, për ndeshjen ndaj Spanjës dhe miqësoren ndaj Italisë pak ditë më pas, janë thirrur futbollistët më të mirë të mundshëm të kësaj grupmoshe.
Këtu përfshihen emra si: Kristal Abazaj, Kejdi Bare, Ylber Ramadani, Gentian Selmani, Endri Çekiçi, Rubin Hebaj etj. Pak ditë më parë gjatë konferencës për shtyp në lidhje me këtë ndeshje, trajneri Alban Bushi tha se skuadra do të jap 200% ndaj Spanjës. Edhe pse trajneri beson se matematikisht mund të arrijë vendin e dytë në Grupin 2, sërish kjo duket e pamundur.
