Në miqësoret e zhvilluara mbrëmjen e djeshme, Brazili shkëlqeu ndaj El Salvadorit, teksa fitoi në shifrat e thella, 5-0. Lojtari që pa dyshim ra në sy, ishte Riçarlison, i cili u ble gjatë verës nga anglezët e Evertonit.
Që në minutën e katërt, ai fitoi një penallti, të cilën e shndërroi në gol Nejmar, ndërsa në të 16-tën, shënoi edhe golin e dytë. Më pas, ishte radha e Kutinjos për të shënuar golin e tretë, ndërsa edhe në të dytën, Riçarlison shënoi edhe golin e dytë personal, ndërsa “manitan” e plotësoi Markinjos.
Zhgënjeu përsëri Argjentina, e cili në miqësoren ndaj Kolumbisë, nuk shkoi më shumë se një barazim pa gola. Sytë ishin të gjithë tek Mauro Ikardi, por sulmuesi i Interit nuk ia doli të linte shenjë.
