AC Milan, nëpërmjet faqes zyrtare të internetit, ka komentuar mbi thashethemet e fundit për sa i përket largimit të Suso në merkaton e janarit.
Pothuajse të gjitha faqet e para të gazetave italiane kanë raportuar se sulmuesi i djathtë i Milan mund të largohet gjatë janarit pas ofertave të shumta që kanë ardhur drejt tij.
Por klubi Kuqezi ka sqaruar gjithçka mbi këtë çështje: “Me Suso, Milan është treguar shumë i qartë në verë. Nuk do e shesim edhe sikur të vijë një ofertë 80 mln euro.”
Spanjolli vetëm së fundmi ka rinovuar kontratën e tij me klubin milanez, një operacion që u quajt shumë i rëndësishëm nga Milan për të ardhmen.
“Të gjithë lojtarët si Biglia apo Kalinic do të qëndrojnë. Kompaktë dhe të konfirmuar do të kthehemi ditën e sotme në stërvitje për të vijuar përgatitjet për ndeshjet e radhës ndaj Cagliari dhe Lazio në Kupën e Italisë,” përfundon Milan.