Ryan Giggs ka paralajmëruar Manchester United se shkarkimi i Jose Mourinhos do të shkaktonte më shumë probleme, se sa do të ofronte zgjidhje për situatën. Zërat për një ndryshim të menjëhershëm në stolin e “Old Trafford” vazhdojnë, duke parë ecurinë jopozitive në rezultate të “Djajve të Kuq”. Presioni i grumbulluar mbi trajnerin portugez është mjaft i madh.
Disa emra lakohen për të marrë drejtimin e skuadrës së njohur angleze, por ish-futbollisti i Manchester United, Rayan Giggs, beson se shkarkimi i Mourinhos do të shkaktonte përçarje të mëtejshme, nuk do të ofronte zgjidhje. “Special One” është trajneri i tretë në “Old Trafford”, që nga koha kur legjendari Sir Alex Ferguson doli në pension, në vitin 2013.
Trajneri aktual i Uellsit u tha gazetarëve, ku u pyet nëse Mourinho duhet të shkarkohet nga detyrat e tij: “Jo. Manchester United po kalon një kohë të vështirë në këtë moment, por largimi i trajnerit do ta shtonte konfuzionin dhe përçarjen. Qëndrimi im nuk ka ndryshuar në këtë drejtim: besoj se Mourinho duhet ta vazhdojë punën e tij”.
