Kristian Panuçi ka refuzuar të flasë për “Supersport” pas ndeshjes. Kjo ka sjellë menjëherë reagimin e gazetarëve dhe të panelit të platfomrës dixhitale që transmeton edhe ndeshjet e Kombëtares.
Ilda Bejleri, e cila e priste me mikrofon në dorë trajnerin, e ka cilësuar arrogant dhe aspak korrekt trajnerin. Ndërkohë, ish-trajneri i kombëtares, Astrit Hafizi, e ka cilësuar të pavend sjelljen e trajenrit të Komëbtares.
“Të gjithëve nuk na pëlqen të flasim kur punët nuk janë mirë, ndërkohë që jemi të deytruar të respektojmë mediat dhe opinionin publik. Sjellja e trajnerit është e papranueshme. Ai e nënvelërson shumë Shqipërinë dhe teksa u kërkon lojtarëve të jenë profesionistë, për vete jep shembullin e kundërt. Tërësisht e papranueshme kjo sjellje. Nuk e kam parë në asnjë vend”, ka thënë Hafizi ndër të tjera për “Supersport”.
