Sipas raportimeve që vijnë nga grumbullimi i Kombëtares së Shqipërisë përpara nisjes drejt Izraelit portieri i Partizanin Alban Hoxha ka lënë grumbullimin, pasi ka shfaqur probleme shqetësuese. Tekniku Christian Panucci ka thirrur portierin e shpresave Elhan Kastrati; portier i Pescarës dhe i Shqipërisë U21, të cilin do ta marrë me vete në Izrael.
Problemi më tepër shqetëson Partizanin, i cili nuk dëshiron të humbasë kapitenin e tij për ndeshjen e ardhshme me Luftëtarin. Pritet të shihet gjendja e gardianit. Të kuqtë shpresojnë që dëmtimi të mos e penalizojë për vazhdimësinë.
Kuqezinjtë po kryejnë seancën e fundit stërvitore përpara nisjes në Izrael.
