Skuadra e Kastriotit luajti sot ndeshjen e nëntë në Superligë për këtë sezon dhe përballë kishte ekipin e Teutës. Krutanët nuk arritën që të përballonin skuadrën e Bledi Shkëmbit duke u mundur në shtëpi me rezultatin 0 me 3. Ndërsa pas ndeshjes trajneri i krutanëve, Elvis Plori flet ekskluzivisht për “Panorama Sport” teksa tashmë duket i bindur për të dhënë dorëheqjen. :
“Kjo është ajo që ne i themi futbolli nuk të fal. Po nuk e bëmë e pëson. Ishte një ndeshje shumë e mirë e Kastriotit. Morrëm atë që deshëm, por fati ky ishte. Pësuam gol nga goditje standarte. Patëm dy raste dhe nuk shënuam. Do e mbyll këtu bashkëpunimin me Kastriotin. U uroj të gjithë sportistëve që të ecin sepse nuk e meritojnë këtë vend. – tha shkurtimisht Plori.
