Juan Mata dhe Unai Emery mund të bashkohen sërish pas shumë vitesh. Trajneri spanjoll dëshiron të afrojë tek Arsenali lojtarin të cilin e stërviti dhe e bëri të shpërthente nën urdhrat e tij te Valencia gjatë viteve 2008-2011, madje mund të përfitojë nga situata kontraktuale e fantazistit, pasi është i lidhur deri në fund të sezonit me Manchester United.
Arsyeja kryesore e afrimit të 30-vjeçarit te topçinjtë është fakti që trajneri spanjoll dëshiron lojtarë me eksperiencë dhe që i njohin skemat e tij. Nga ana tjetër Mata do të presë deri në dhjetor për një ofertë rinovimi nga “Djajtë e Kuq” dhe, nëse nuk ndodh, atëherë do të jetë i lirë të negociojë me drejtuesit e Arsenalit.
