Një prapaskenë e bujshme “kërcen” nga Kili: Luciano Spalletti, nën kontratë me Inter deri në qershorin e ardhshëm, së shpejti mund të ulet në një stol të ri.
Në fakt, thashethemet nga Amerika e Jugut përfshijnë Spallettin si trajnerin e ardhshëm të ekipit kombëtar “Roja”.
Ish-trajneri i Interit do të zërë vendin e Reinaldo Rueda, i gatshëm të largohet për të marrë trashëgiminë e Carlos Queiroz në krye të Kolumbisë.
Federata Kiliane e Futbollit po vlerëson një seri profilesh, disa prej të cilave vijnë nga Italia dhe midis tyre ekziston edhe emri i Spalletti, pa ekip që nga vera e vitit 2019, kur ai u shkarkua nga Interi për t’i lënë vend Antonio Contes.
Një profil i prestigjit të madh për ekipin kombëtar në të cilin luajnë Vidal dhe Sanchez, por mbi të cilin mbeten disa dyshime në lidhje me akordin, duke marrë parasysh se te Interi fiton 4.5 milion euro neto.
Sidoqoftë, trajneri nga Certaldo nuk është i vetmi italian që është afruar te stoli i Kilit: si alternativë, gjithashtu mendohet për Roberto Donadoni, pa ekip nga vera e kaluar pas përfundimit të aventurës kineze me Shenzen FC.
