Skënderbeu fitoi me shifrat 0-2 ndeshjen ndaj Partizanit, teksa golin e parë e shënoi një ish si Gjergji Muzaka. Ky i fundit u fut nga stoli, dhe me topin e parë që preku, me një “volej”, në të djathtë të sulmit të korçarëve, dhe në të majtë të mbrojtjes së “demave”, goditi fluturimthi dhe ndëshkoi Hoxhën.
Ironia e fatit është se në atë krah, mungonte edhe kapiteni Lorenc Trashi, i pezulluar nga klubi për thyerje disipline gjatë kësaj jave. Ndoshta, edhe po të kishte qenë Trashi goli do të ishte shënuar, por të shumtë mund të jenë tifozët që do ta kërkonin në fushë gramshiotin…
