Sipas “Il Corriere dello Sport”, Milan-i kërkon lojtarin e Barcelonës, Denis Suarez. Mesfushori spanjoll ka qenë prej kohësh në vëmendjen e kuqezinjve dhe ata duan të përfitojnë nga aktivizimi i tij i pakët për ta marrë në Itali, ku mendojnë se do të kishte sukses.
Problemi qëndron se tek Milan-i janë të shqetësuar për Fair Playn Financiar. Një situatë e ngjashme ndodhi me rivalët e Interit dhe Rafinha Alcantara, i cili kthye te Barcelona pas përfundimit të huazimit sezonin e kaluar.
Denis luajti si titullar dhe mbante shiritin e kapitenit për Barçën në ndeshjen kundër Cultural Lionesa në “Kupën e Mbretit”, që u luajt të mërkurën.
Kjo ishte ndeshja e parë zyrtare për këtë sezon. Ai luajti për 90 minuta, por e di se do ta ketë të vështirë të luajë sërish. Me Milanin që troket në derën e tij, mesfushori mund të largohet.
