Shkodran Mustafi bëri ndër paraqitjet më të mira në kohët e fundit duke u shpallur lojtari i ndeshjes i Arsenalit në barazimin 1-1 ndaj Liverpoolin në kryendeshjen e javës në Premierligë të shtunën.
Alexandre Lacazette me një gol të vonshëm e shpëtoi Arsenalin nga humbja, pasi Liverpool po udhëhiqte falë golit të James Milnerit, por qendërmbrojtësi shqiptari i Gjermanisë ishte më i miri në skuadrën e Unai Emeryt, transmeton Express.
Mbrojtësi nga Gostivari ka thënë se është krenar me bashkëlojtarët e tij që nuk u dorëzuan deri në fund, në një postim në rrjetin social Twitter.
“Krenar me ekipin dhe shpirtin e treguar. Nuk kam asgjë më shumë për të thënë”, shkroi Mustafi në Twitter.
