Skuadra Kombëtare e Shqipërisë do të luajë një miqësore me skuadrën e Uellsit në Elbasan Arena në datën 20 nëntor. Dhe për këtë sfidë trajneri i Uellist, legjenda Rajan Gigs ka publikuar listën e lojtarëve ku duket se nuk do të tolerojë aspak, por do të kërkojë me patjetër një fitore.
Kjo duket dhe nga emrat që ai ka grumbulluar ku në sy bien dy “yjet” e ekipit, Garet Bejl dhe Aron Ramsei. Megjithëse fokusi është te ndeshja me Danimarkën që në rast fitoreje do u jepte vendin e parë në grupin 4 të Ligës B, Gigs ka menduar që ta përgatisë në mënyrën më serioze edhe ndeshjen ndaj Shqipërisë.
Lista e plotë e Uellsit:
Portierë: Uejn Henesei, Deni Uord, Adam Devis
Mbrojtës: Konor Roberts, Kris Ganter, Xhejms Çester, Kris Mepam, Itan Ampadu, Tom Lokier, Paul Damet, Nill Tejlor
Mesfushorë: Xhejms Lourens, Xho Alen, Metju Smith, Aron Ramsei, Andi King, Herri Uillson, David Bruks, Daniel Xhejms
Sulmues: Tom Lorens, Tajler Roberts, Sam Vouks, Garet Bejl, Ben Udbërn. Xhorxh Tomas
