Dries Mertens me shumë mundësi në sezonin e ardhshëm mund të luajë në Kinë. Këtë e ka konfirmuar vetë lojtari në një prononcim për mediat përpara ndeshjes me PSG-në në Champions League.
“E ardhmja në Kinë? Nuk i dihet, pasi për një vit më skadon kontrata me Napolin dhe mund të ndodh në këtë moment”, është shprehur ndër të tjera anësori. Kujtojmë që në Kinë kanë shkuar jo pak lojtarë, kjo ndodh pasi shuma e parave të përfituara në një sezon është shumë herë më e madhe nga sa marrin aktualisht në Europë.
