Milani e ka një nevojë jetike merkaton e janarit pasi skuadra e Gatuzos është “goditur” nga shumë dëmtime. I fundit ishte Romanjoli, i cili do të mungojë 4 javë. Praktikisht në skuadrën e Gatuzos është vetëm 1 qendërmbrojtës, Zapata. Sipas “corriere dello Sport”, Leonardo do të kërkojë në janar shërbimet e Geri Kahill nga Çelsi.
32-vjeçari është kapiten i ekipit nga Londra, por deri tani është aktivizuar shumë pak nga Sarri, madje nuk ka rezultuar as në stolin e rezervave. Formula pritet të jetë e njëjta, huazim deri në fundin e sezonit. Maardhëniet e Milanit me Çelsin janë të mira, pasi sezonet e fundit kanë kryerë lëvizjet e Van Ginkel, Torres, Pasaliç dhe së fundmi Bakajoko.
