Jese Rodriguez është i padëshiruar te Paris Saint Germain. Sulmuesi spanjoll, i cili nuk arriti asnjëherë të konfirmohej me kampionët e Francës, pritet të largohet përfundimisht për t’u rikthyer në Spanjë, aty ku ka shkëlqyer. 25-vjeçari ka një kontratë deri në vitin 2025 me klubin, por drejtuesit janë gati të pranojnë çdo ofertë huazimi me të drejtë blerjeje për të lehtësuar disi edhe bilancin, pasi Jese përfiton jo pak por 2.5 milionë euro në vit. Nuk mungojnë admiruesit për të, me Villarreal që kryeson listën, pasi kanë nevojë për një sulmues, por edhe Betis, Celta Vigo e Valladolid janë në gjurmët e tij.
PSG “I LODHUR” nga Jese Rodriguez, sulmuesi drejt La Ligas
