Edhe reperin më të suksesshëm shqiptar, Noizyn, si një tifoz i kuqezi, duket se nuk e kanë mbajtur më nervat pas kësaj humbjeje të turpshme dhe ka ofenduar lojtarët e Shqipërisë duke i quajtur “lojtarë fasulesh”, ndërkohë që i ka premtuar besnikëri përfaqësues së Kosovës.
“Kosova është skuadra ime e preferuar për momentin. Mezi po pres Europianin & Botërorin. Shqipërinë s’e mbaj mend kur ka fitu. Lojtarë fasulesh!”, shkruan reperi në një postim.
Madje Noizy ka shkruar edhe më larg se sa kaq, pasi ka kërkuar largimin e trajnerit italian Panucci, i cili pas rezultatit 0-4, rrezikon shkarkimin nga stoli i kuqezinjve, që nga ana e tyre rrezikojnë të bien në Ligën D.
Reagimin e tij reperi më i pëlqyer shqiptar e ka bërë nëpërmjet një fotografie të publikuar në Instagram, në të cilën shfaqet trajneri Panuçi. “PaGupshi a han fasul? Apo han spaghetti bolenjezi? Ik pra se na çave Qanien. Gupsh”, shkruan Noizy.
