Aventurës së Antonio Candrevas te Interi po i vjen fundi. Futbollisti i cili nuk po gjen një vend titullari në formacionin e Spallettit, me shumë mundësi do të largohet nga zikaltrit që gjatë merkatos së Janarit.
Ekipet që kanë shfaqur interes për 31-vjeçarin janë të shumta, por, me sa duket, lojtari e ka një skuadër të preferuar që është pikërisht Torino e presidentit Cairo. Klubi “granata” ka kohë që e kërkon mesfushorin, të cilin mund ta transferojë nën urdhrat e trajnerit Mazzarri që gjatë merkatos së Janarit.