Penalltitë mund të humben në mënyrë të ndryshme, për shkak të pritjes së portierit, kur futbollisti e gjuan lart ose anash, nëse e godet shtyllën ose… nëse e godet një qen.
Në një video të shpërndarë gjithandej në rrjetet sociale shihet një lojtar duke e gjuajtur penalltinë dhe një qen e shpëton portierin, i cili e gabon krahun në të cilin do të gjuajë kundërshtari.
Qeni në këtë video shihet duke hyrë në fushë nga prapa portës, ku qëndron derisa lojtari përgatitet për ta gjuajtur penalltinë. Sapo topi i afrohet portës, qeni fillon të ecë para saj dhe e mbron goditjen.