Historia e futbollit regjistron disa përballje mes Romës dhe Barcelonës. Nëse nga hera e fundit në memorie ka mbetur goli i Florencit nga mesi i fushës, për verdhekuqtë 17 vite më parë ka shënuar edhe Kristian Panuçi.
Trajneri aktual i Shqipërisë, në periudhën në fjalë ishte pjesë e ekipit nga kryeqyteti italian dhe pikërisht ndaj katalanasve gjente një gol që bëri të heshte stadiumin “Kamp Nou”.
Verdhekuqtë udhëhoqën deri tetë minuta nga fundit, kur Barça gjeti golin e barazimit me holandezin Patrik Klaivert, me ekipet që ndanë nga një pikë pasi ndeshja ishte e vlefshme për fazën në grupe ku së bashku me dy ekipet ishin edhe Liverpuli me Galatasarain.