Mediet italiane raportojnë se Antonio Conte është shumë pranë Roma-s, por ai po pret që të lirohet stoli i PSG ose Manchester United.
Roma është duke humbur durimin me trajnerin Eusebio Di Francesco pas një sërë hapash falsë në Serie A dhe Champions League.
Sipas Panorama, presidenti Jim Pallotta ka udhëzuar drejtuesit e klubit të tij për të nisur bisedimet me ish-trajnerin e Chelsea-t.
Megjithëse Conte është përfolur për një kalim te Milan, Roma është një tjetër opsion interesant.
Gjithsesi, Panorama raporton se Conte po merr kohën e tij dhe nuk ka vendosur akoma, kjo për shkak se ndodhet në një betejë ligjore me ish-klubin e tij Chelsea.
Gjithashtu pretendohet se Conte është në pritje të një stoli më prestigjioz, si Manchester United apo Paris Saint-Germain.
