Çështja Milan – Ibrahimovic ka përjetuar një kthesë të papritur dhe tani duket se sulmuesi suedez nuk do t’i ribashkohet klubit të tij të vjetër. Duket se Zlatan Ibrahimovic do të mbetet pjesë e LA Galaxy në MLS.
Sipas Sportitalia, mbrëmjen e së martës bisedimet kanë hasur në probleme serioze dhe të dy palët janë duke menduar të heqin dorë duke i braktisur përfundimisht bisedimet.
Deri mbrëmë u raportuar se kishin mbetur vetëm detajet për t’u zgjidhur dhe se Ibra do të kalonte në Milan gjatë merkatos së janarit si lojtar i huazuar.
Megjithatë, kuqezinjtë tani duhet të kërkojnë përforcime diku tjetër.
