Qendërmbrojtësi i Liverpoolit, Virgil van Dijk, e ka mbrojtur veten pas kritikave për ndërhyrjen e ashpër që e shkaktoi kundër Dries Mertensit të Napolit në Ligën e Kampionëve të martën.
Mbrojtësi holandez u ndëshkua me karton të verdhë për ndërhyrjen në pjesën e parë ndaj kundërshtarit të tij belg, pasi derisa e fitoi topin, ai e goditi Mertensin në këmbë me taka të ngritura.
Liverpooli u kualifikua tutje pasi fitoi 1-0 falë golit të Mohamed Salahut, duke e eliminuar Napolin e Carlo Ancelottit.
Derisa Ancelotti insistoi se ndërhyrja e tij mund të jetë vlerësuar për karton të kuq, përjashtim nga loja, Van Dijk tha se nuk e bëri me keqdashje.
“Nuk mendoj se ishte ndërhyrje e keqe. Fatkeqësisht e preka, por kurrë nuk do ta bëja për ta lënduar atë”, tha Van Dijk.
