UFC nuk ka mundur të organizojë të paktën një duel të rëndësishëm për titullin kampion (main event) dhe për këtë arsye, presidenti Dana White ka vendosur të anullojë eventin UFC-233, që ishte planifikuar të organizohej më 26 janar, në Anaheim të Kalifornisë. Ky do të ishte eventi i parë i rëndësishëm i vitit 2019, por që tashmë është anulluar dhe të gjitha duelet që ishin planifikuar për këtë datë do të shtyhen dhe zhvillohen në eventet e ardhshme.
Në këtë event do të debutonte në kafaz Bens Askren, ndaj Robbie Lawler. Po sot u konfirmua lajmi se Dominick Cruz, që do të duelonte ndaj John Lineker, u dëmtua, duke anulluar kështu një nga sfidat e shumëpritura. Gjithë këto probleme kanë detyruar drejtuesit e UFC-së të anullojnë eventin e 26-janarit. UFC u “kap mat”, pasi nuk po gjen sportistë kampionë të lirë, si meshkuj ashtu edhe femra, për të dueluar në këtë event të madh ndaj ngriti “flamurin e bardhë”.
