Dopingu gjithmonë ka qenë një nga problemet më kryesore në botën e çiklizimit, por historia që vjen nga Shtetet e Bashkuara të Amerikës, është pothuajse në kufitjë e të pabesueshmes.
Karl Grouv, një 90-vjeçar i cili ishte shpallur kampion korrikun e kaluar në kategorinë për 90-94 vjeçarë, duke vendosur edhe një rekord botëror për herë të parë në këtë moshë. Por, pasi rezultoi pozitiv në testin anti-doping, që kreu pasi fitoi kampionatin në Pensilvenia, ky titull iu hoq. Ai rezultoi pozitiv në përdorimin e disa steroideve(epitrenbolone).
Gjithsesi, në fund, Grouv nuk u skualifikua nga të gjitha kompeticionet, por mori një letër paralajmërimi nga USADA – agjencia anti-doping e SHBA – pasi teza e tij u pranua. Grouv pretendonte se në vigjilje të garës, ai ishte ushqyer me mish nga një fermë që përdor hormone për rritjen e kafshëve. Grouv humbi titullin dhe rekordin botëror, por do ta provojë sërish në të ardhmen. Në garën që ai fitoi në korrik, nuk kishte asnjë konkurrent tjetër të moshës së tij.
