Barcelona ka kryer goditjen e dytë në merkaton e janarit, pasi zyrtarizoi huazimin Jeison Murillo nga Valencia deri në fund të sezonit, tani ka arritur të marrë shërbimet e mbrojtësit Jean-Clair Todibo.
Ky afrim është kryer me parametër zero, duke qenë se lojtarit i skadon kontrata në fund të këtij sezoni me Touluse.
Gjysmën e dytë të sezonit ai do ta zhvillojë në Francë, ndërsa që nga 30 qershori është lojtar i Barcelonës. Mbrojtësi është nga Afrika e Jugut dhe shikohet si një talent i së ardhmes, duke qenë se është vetëm 19-vjeç.
Todibo luan si qendërmbrojtës dhe deri tani është aktivizuar në 10 ndeshje si titullar me Touluese, madje ka arritur të shënojë edhe një gol si profesionist.