Fatjon Andoni, i cili luan me Larisën, në kampionati helen, ka kapur limitin e shtatë kartonave dhe pritet të mungojë dy ndeshje. Fakti lehtësues është se do të zgjedhë trajneri se cilat ndeshje do të mungojë lojtari shqiptar.
Andoni në ndeshjen e sotme përballë Arisit, ka marrë një të verdhë duke qenë se ka rolin të tillë. Ai luan përpara mbrojtjes dhe detyra e tij është që të thyejë aksionet e kundërshtarëve.
27-vjeçari i lindur në Athinë këtë sezon ka luajtur plot 18 ndeshje në kampionat dhe në kupë, ku ka shënuar dy gola. Andoni është një “ingranazh” shumë i rëndësishmë për skuadrën e tij, e cila ka si objektiv qëndrimin në elitën e futbollit grek.
