Neymar ka pësuar një dëmtim serioz kundër Strasbourgut, ndeshje e luajtur 23 janarin e kaluar në Kupën e Francës.
Braziliani, për rrjedhojë, do të jetë i detyruar të mungojë në sfidën e dyfishtë me Manchester United në Champions League.
Gjithsesi, sipas tetë francezëve nga dhjetë, fajtori kryesor për këtë është vetë “O’Ney”. Ky ka qenë përfundimi i një sondazhi të bërë nga “Odoxa-Groupama” për “RTL France”.
Tifozët janë të mendimit se stili i lojës i brazilianit është “i rrezikshëm”. Vetëm 20% kanë drejtuar gishtin kundër arbitrave, duke i akuzuar këta të fundit se nuk e mbrojnë sa duhet yllin e PSG-së.
