Valencia ka trokitur në derën e Borussia Munchengladbach për yllin e ekipit Thorgan Hazard.
Ëndrra e tij është Premier League, por e ardhmja e afërt e belgut mund të jetë në Spanjë.
Sipas Mundo Deportivo, mesfushori Hazard është shumë pranë transferimit te Valencia. Një takim i parë është zhvilluar tashmë mes përfaqësuesve të Hazard dhe klubit, raporton gazeta spanjolle.
Vlera e operacionit nuk është e lirë, pasi gjermanët kërkojnë plot 30 milionë euro për yllin e ekipit. Gjithsesi, ai është shumë herë më i lirë se objektivi kryesor i Valencia-s, portugezi Goncalo Guedes.
PSG kërkon rreth 80 milionë euro për të, një shifër e papranueshme për një klub si Valencia.
