Gianluigi Buffon ka shfrenuar fantazinë duke deklaruar se ëndërron të qëndrojë në fushë deri në moshën 80-vjeçare.
Në një prononcim për “La Stampa”, edhe pse në moshën 41-vjeçare italiani zbulon se nuk ka hequr dorë nga ëndrrat.
“Në moshën 41-vjeçare nuk kam hequr dorë nga ëndrrat. Por kam nevojë për entuziazëm, vitin e kaluar mendova të lija futbollin dhe kjo krijoi negativitet në jetën time. Kjo është arsyeja pse në mendjen time ëndërroj që të qëndroj në fushë deri në moshën 80-vjeçare, gjyshi në portë me bastun dhe me fanellën numër 1.Por njëkohësisht imagjinoj që gjithçka mund të përfundojë nesër. Nuk i vë limite vetes, e di që në fund fatura do të mbërrijë gjithsesi”, tha Buffon.
