Kepa Arrizabalaga ishte emri më i lakuar ditën e djeshme, madje zbehu edhe triumfin e Manchester City ndaj Chelsea në Carabao Cup.
Portieri refuzoi të dilte nga fusha pak para se të ekzekutoheshin penalltitë, veprim që tërboi trajnerin Sarri, i cili po bënte gati të hidhte në fushë Caballero-n, një ekspert penalltish. Megjithatë në fund të ndeshjes trajneri italian tha se e gjitha ishte një keqkuptim, por u pa qartë se ai po kërkonte të mos rëndonte situatën e krijuar.
Gjithsesi në tunelet e dhomave të zhveshjes, një tifoz me aftësi të kufizuara ishte vendosur aty për të takuar yjet e skuadrës së zemrës. Pasi i përshëndet të gjithë duke iu dhënë dorën, në momentin që Kepa zbret nga shkallët ai tkurret dhe e fut dorën në xhep duke e injoruar spanjollin, për atë veprim që ai bëri në fushë.
A true Chelsea fan giving handshakes to every Chelsea player except Kepa. #CFC pic.twitter.com/DZxG4q5K4J
— The Blues (@TheBlues___) February 24, 2019