Brendan Rodgers është emëruar si trajneri i ri i Leicester City-t pasi është larguar nga Celtic.
Tekniku nga Irlanda e Veriut, 46, do të jetë pasardhësi i Claude Puel, i cili është shkarkuar të dielën pas 16 muajve në stolin e Dhelprave.
Rodgers nuk do të jetë në stolin e Leicester mbrëmjen e së martës kur ekipi i tij i ri do të luajë ndaj Brighton, por ndodhet në stadium.
Ai është fotografuar duke u prezantuar me ambientin e ri në King Power Stadium.
Rodgers do të marrë timonin e Dhelprave duke nisur nga dita e mërkurë, kur do të zhvillojë seancën e parë stërvitore.
“Jam i privilegjuar dhe i nderuar që jam këtu si trajneri i ri i Leicester City-t,” ishin fjalët e para të prezantimit të Rodgers.