Kush është më i mirë, Cristiano Ronaldo apo Lionel Messi? Kësaj pyetje i është përgjigjur sot edhe ish-trajneri i kombëtares spanjolle Vicente Del Bosque, që ka fituar gjithçka në karrierën e tij. Në një intervistë për mediat spanjolle ai ka bërë zgjedhjen e tij.
“Unë jam me Messin. Pavarësisht nga skuadra ku luan, unë e shoh më shumë si një futbollist natyral, një futbollist që vjen nga rruga, nga lagjja”, thotë Del Bosque.
Duke folur për CR7, trajneri spanjoll shton: “Cristiano ka cilësi të jashtëzakonshme dhe një gjendje fizike e teknike të një golashënuesi të madh. Megjithatë, unë preferoj Messin”, u shpreh Del Bosque.
